नेपालगञ्जमा यात्रु सवार बस दुर्घटना हुदाँ २ जनाको मृत्यु, २७ घाइते

बाँकेको राँझा चौकनजिकै रत्न राजमार्गको सुर्खेत सडकखण्डमा बिहीवार यात्रु सवार बस दुर्घटना हुदाँ दुई जनाको मृत्यु भएको छ भने २७ जना घाइते भएका छन् ।

दाङबाट नेपालगञ्जतर्फ आउँदै गरेको भे१ख २१२८ नम्बरको यात्रुसवार बस सडकमा अनियन्त्रित हुँदा भएको दुर्घटना भएको जिल्ला प्रहरी कार्यालय बाँकेले जानकारी दिएको छ ।

दुर्घटनामा परी मृत्यु हुनेमा दाङको तुल्सीपुरका ६० वर्षीय धनबहादुर ओली र तुलसीपुरकै बसका सहचालक २४ वर्षीय सन्तोष भुसालको मृत्यु भएको प्रहरीले जनाएको छ ।

उक्त दुर्घटनामा घाइते भएकाहरूको नेपालगञ्जस्थित भेरी अस्पताल र कोहलपुरस्थित शिक्षण अस्पतालमा उपचार भइरहेको प्रहरीले जनाएको छ ।

घाइतेहरुको परिचय खुल्न बाँकि रहेको र दुर्घटनाबारे अनुसन्धान भइरहेको छ ।