सुर्खेत-जुम्ला सडकखण्ड पहिरोका कारण अवरुद्ध

वर्षाले पहिरो खस्दा कर्णाली राजमार्गमा यातायात सञ्चालनमा रोकिएको छ ।

गत मंगलबार रातीदेखि आएको वर्षाले विभिन्न ठाउँमा पहिरो जाँदा राजमार्ग अवरुद्ध भएको हो ।

सुर्खेत-जुम्ला सडकअन्तर्गत कालिकोटको गगनेखोलामा पहिरो खस्दा राजमार्ग अवरुद्ध भएको सडक डिभिजन कार्यालय जुम्लाले जानकारी दिएको छ ।

राजमार्ग अवरुद्ध हुदाँ सुर्खेतदेखि कालिकोट, जुम्ला र मुगु जिल्लाहरुमा सवारीसाधन आवतजावत गर्न नमिलेको प्रदेश प्रहरी कार्यालयले जनाएको छ ।

गगनेखोला पहिरोको ठुलो ठुलो ढुगां सडकमा खसेकाले पन्छाउने काम भइरहेको प्रहरीले जनाएको छ ।

वर्षाले कर्णाली राजमार्गअन्तर्गत कालिकोट खण्डको दहीखोला, गगनेखोला, एसमोड र हुल्ममा बारम्बार पहिरो जाने गरेको छ ।
राजमार्गको विभिन्न ठाउँमा पहिरोका सडक अवरुद्ध भएकाले सावधानी अपनाउन प्रदेश प्रहरीले कार्यालयले जनाएको छ ।