वीरेन्द्रनगरमा अबैध काठ बोकेको जीपसहित एक जना पक्राउ

सुर्खेत । सुर्खेतको वीरेन्द्रनगर धुलाबिटमा अबैध गोलिया काठ बोकेको बोलेरो जीपसहित एक जना पक्राउ परेका छन ।

विहिबार राती लेकबेशी नगरपालिका -९ बाट वीरेन्द्रनगर- ११ तर्फ आउदै गरेको लु २ च २२३ नम्बरको बोलेरो जीपसहित एक जनालाई डिभिजन वन कार्यालय सुर्खेतको गस्ती टोलीले धुलाविटमा रंगेहात पक्राउ गरेको हो ।
तस्करीमा संलग्न वीरेन्द्रनगर – २, फलाटेका धनिराम चौधरीलाई पक्राउ गरेको छ ।
गस्ती टोलीले चौधरीसहित बोलेरो जीप, मोटरसाइकल र ४९.७२ क्यूफिट गोलिया काठ प्रहरीले नियन्त्रणमा लिएको जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले लाईका खबरलाई बताए ।

वनको गस्ती टोली देख्ना साथ भागेका चार जना काठ तस्कर मध्य कर्णाली प्रदेश-०२-००१प-९६६७ नम्वरको मोटरसाइकलमा सवार धनिराम चौधरीलाई मात्र पक्राउ गर्न सफल भएको जनाए ।

उपरीक्षक खड्काका अनुसार सबै मुचुल्का तयारी गरी काठ, बोलेरो जीप र बाइक डिभिजन वन कार्यालय सुर्खेतलाई बझाएको र अन्यको खोजि कार्य भइरको जनाए ।