सोलुखुम्बुमा बाढीमा परि तीन घर पुर्ण क्षती

सोलुखुम्बुको खुम्बु पासाङल्हामु गाउँपालिका-५ थामेमा ठूलो बाढीका कारण तीन वटा घर पुर्ण रूपमा क्षती पुगेकाे छ ।

सोलुखुम्बुकी प्रमुख जिल्ला अधिकारी देवी पाण्डे खत्रीका अनुसार शुक्रबार दिउँसो माथिबाट एक्कासी आएको  ठुलाे बाढीले तीन घरकाे क्षती गरेकाे  हो । प्रमुख अधिकारी पाण्डेका अनुसार चार/पाँच वटा घर बाढीको जोखिममा रहेका छन । भने एउटा होस्टेल आधा बगाएको छ ।

बाढी आउनुको कारण पहिरोले खोला थुनिएर पछि बाढी आएकोजस्तो देखिएको उनको भनाइ छ ।

उनले भनिन्,’पहिरोको कारणमा चाहिँ यसो हेर्दा खेरी पहिरोले खोलालाई अलिकति रोकेर त्यहीँबाट खोला गएकोजस्तो देखिन्छ । हिमपहिरो अाएकाे हुन सक्ने,  अहिले हेर्दाखेरी । तर यकीन हुनसकेको छैन।’

अहिलेसम्म मानवीय क्षतिको विवरण आइनसकेको र पाँच/सात जनालाई नेपाली सेनाले उद्धार गरेको प्रजिअ पाण्डेले जानकारी दिइन ।
नेपाली सेनाको टोलीले उद्धारका लागि परेको छ । बाकि अपडेट आउन बाँकि रहेको छ ।