• जेष्ठ २६, २०८०
  • No Comment
  • 98

१० महिनाको अवधिमा १० खर्ब पाँच अर्ब १८ करोड रुपैयाँ रेमिट्यान्स भित्रीयो

चालु आर्थिक वर्ष २०७९/८० को वैशाख मसान्तसम्ममा मूल्यवृद्धिले सीमा नाघेको छ ।

सरकारले चालु आर्थिक वर्षका लागि मूल्यवृद्धि सात प्रतिशतको सीमाभित्र कायम गर्ने लक्ष्य राखेकामा १० महिना अवधिमा सात दशमलव ४१ प्रतिशत पुगेको हो ।

नेपाल राष्ट्र बैंकले आज शुक्रवार सार्वजनिक गरेको देशको वर्तमान आर्थिक तथा वित्तीय स्थिति प्रतिवेदनअनुसार वार्षिक विन्दुगत आधारमा उपभोक्ता मूल्य सूचकाङ्कमा आधारित मुद्रास्फीति सात दशमलव ४१ प्रतिशत रहेको छ ।

राष्ट्र बैंकको तथ्याङ्कअनुसार यो अवधिमा शोधनान्तर स्थिति दुई खर्ब १४ अर्ब ६७ करोड रुपैयाँले बचतमा रहेको छ । त्यस्तै कुल विदेशी विनिमय सञ्चिति १४ खर्ब ७० अर्ब ३३ करोड रुपैयाँ बराबर छ । विदेशी विनिमय सञ्चिति अमेरिकी डलरमा ११ अर्ब २१ करोड बराबर हो ।

राष्ट्र बैंकका अनुसार १० महिना अवधिमा विस्तृत मुद्राप्रदाय छ दशमलव नौ प्रतिशतले बढेको छ भने वार्षिक विन्दुगत आधारमा यस्तो मुद्राप्रदाय १० प्रतिशतले बढेको छ । यो अवधिमा रेमिट्यान्स आप्रवाह २३ दशमलव चार प्रतिशतले बढेर १० खर्ब पाँच अर्ब १८ करोड रुपैयाँ पुगेको छ ।

त्यस्तै आयात १६ दशमलव आठ प्रतिशतले, निर्यात २४ दशमलव पाँच प्रतिशतले र कुल वस्तु व्यापार घाटा १५ दशमलव नौ प्रतिशतले घटेको छ । वैशाख मसान्तसम्ममा सङ्घीय सरकारको खर्च १० खर्ब ४७ अर्ब ७६ करोड र राजस्व परिचालन सात खर्ब ५६ अर्ब २५ करोड रुपैयाँ रहेको छ ।

यो अवधिसम्ममा बैंक तथा वित्तीय संस्थाको निक्षेप सङ्कलन सात दशमलव तीन प्रतिशत र निजी क्षेत्रमा प्रवाहित कर्जा तीन दशमलव एक प्रतिशतले बढेको छ । वार्षिक विन्दुगत आधारमा निक्षेपको वृद्धिदर ११ दशमलव चार प्रतिशत र निजी क्षेत्रमा प्रवाहित कर्जाको वृद्धिदर तीन दशमलव तीन प्रतिशत रहेको छ ।

सम्बन्धित खबर

सुर्खेतबाट कुम्भ मेलाका तीर्थयात्री लिएर गएको बस बबईमा दुर्घटना

सुर्खेतबाट कुम्भ मेलाका तीर्थयात्री लिएर गएको बस बबईमा दुर्घटना

सुर्खेतबाट कुम्भ मेलाका तीर्थयात्री लिएर जाँदै गरेको बस बबई नजिक दुर्घटनामा परेको छ। आइतबार साँझ करिब साढे ५ बजे भे १…
तुवाचुङ मिनी ग्रेटवाल: पर्यटकको बढ्दाे आकर्षण

तुवाचुङ मिनी ग्रेटवाल: पर्यटकको बढ्दाे आकर्षण

खोटाङको हलेसी तुवाचुङ नगरपालिका–७ स्थित तुवाचुङ–जायजुममा निर्माण गरिएको ‘तुवाचुङ मिनी ग्रेटवाल’ आन्तरिक तथा बाह्य पर्यटकको रोजाइमा परेको छ। किरात सभ्यताको ऐतिहासिक…
चौकुने गाउँपालिकामा HPV खोप जीवन ज्योति मा.बि. गुटुमा शुरू

चौकुने गाउँपालिकामा HPV खोप जीवन ज्योति मा.बि. गुटुमा शुरू

पाठेघरको मुखको क्यान्सर रोग विरुद्ध लगाईने एच.पि.भि. खोप सेवा अभियानकै रुपमा देश भर सुरु भएको छ । यसै विच चौकुने गाउँपालिकाको…

Leave a Reply

Your email address will not be published. Required fields are marked *