प्रतिकुल मौसमबिच कहाँ कस्तो छ हवाई उडानको अवस्था ?

Laika Khabar

तपाईंको विज्ञापन यहाँ

काठमाडौं। देशभर भइरहेको अविरल वर्षाका कारण मौसम प्रतिकूल हुँदा विशेषगरी दुर्गम, पहाडी तथा हिमाली क्षेत्रतर्फका आन्तरिक हवाई उडान प्रभावित भएका छन्।

त्रिभुवन अन्तर्राष्ट्रिय विमानस्थलबाट हुने लुक्ला, भोजपुर, फाप्लु तथा विभिन्न हिमाली क्षेत्रका उडान प्रभावित भएका छन्। यति एयरलाइन्सको माउन्टेन फ्लाइट, सीता एयरको लुक्ला उडान, बुद्ध एयर र श्री एयरलाइन्सका माउन्टेन फ्लाइट तथा नेपाल एयरलाइन्सको भोजपुर उडान रद्द भएका छन्।

त्यस्तै पोखरा र भरतपुरतर्फका उडानमा पनि ढिलाइ भएको विमानस्थलले जनाएको छ। लुक्ला र फाप्लुतर्फका उडानसमेत मौसमका कारण प्रभावित छन्।

काठमाडौंलाई देशका विभिन्न स्थानसँग जोड्ने ट्रंक रुटका उडान भने ढिलाइ भए पनि सञ्चालनमा रहेका छन्। प्रतिकूल मौसमका कारण उडान प्रभावित भएपछि त्रिभुवन विमानस्थलको आन्तरिक टर्मिनलमा यात्रुको भिड लागेको छ।

अन्तर्राष्ट्रिय उडानतर्फ भने हालसम्म मौसमका कारण कुनै उल्लेखनीय अवरोध देखिएको छैन। बिहानदेखि १० वटा अन्तर्राष्ट्रिय जहाज अवतरण र ९ वटा उडान सम्पन्न भएका छन्।

तपाईंको विज्ञापन यहाँ

सम्बन्धित लेखहरू

तासको खालमा प्रहरी पुगेपछि भाग्दा एकको मृत्यु, एकको खुट्टा भाँचियो

विराटनगर– तास खेलिरहेको स्थानमा प्रहरी पुगेपछि भएको भागदौडमा एक जनाको मृत्यु भएको छ भने अर्का एक जना घाइते भएका छन्। विराटनगर महानगरपालिका–६ सरोचियास्थित एक घरमा सोमबार राति प्रहरी पुगेपछि भाग्ने क्रममा विराटनगर–१४ का ५५ वर्षीय बलराम कोइराला सामान्य घाइते भएका थिए। प्रहरीले कोइरालासहित आठ जनालाई नियन्त्रणमा लिएको थियो। हिरासतमा रहेका कोइराला मंगलबार बिहान अचेत अवस्थामा भेटिएपछि उपचारका लागि कोशी अस्पताल हुँदै नोबेल शिक्षण अस्पताल लगिएकोमा चिकित्सकले बिहान ११ बजे मृत घोषणा गरेका हुन्। भाग्ने क्रममा विराटनगर–८ का ४१ वर्षीय एम्बुलेन्स चालक चन्दन मुखियाले घरको दोस्रो तलाबाट हामफाल्दा दाहिने खुट्टा भाँचिएको छ। उनको श्री अस्पतालमा उपचार भइरहेको प्रहरीले जनाएको छ। प्रहरीले घटनास्थलबाट ४८ हजार ३ सय ९५ रुपैयाँ नगद बरामद गरेको जनाएको छ। घटनाबारे थप अनुसन्धान भइरहेको छ।

अविरल वर्षाले देशभरका राजमार्ग प्रभावित, दर्जनौँ सडकखण्ड अवरुद्ध

काठमाडौं । अविरल वर्षासँगै आएको बाढी र पहिरोका कारण देशभरका प्रमुख राजमार्ग तथा सडकखण्ड प्रभावित भएका छन्। नेपाल प्रहरीले सार्वजनिक गरेको विवरणअनुसार विभिन्न स्थानमा पहिरो खस्दा सडक पूर्ण रूपमा अवरुद्ध भएका छन् भने जोखिमयुक्त क्षेत्रमा रातिको समयमा सवारी आवागमनमा समेत रोक लगाइएको छ। ललितपुरको कान्तिलोकपथअन्तर्गत पाङ्दुरमा पहिरो खस्दा असोज ९ गते बिहानदेखि सडक पूर्ण रूपमा अवरुद्ध छ। बागमती गाउँपालिका–३ टाकुर्चेमा पनि पहिरो खसेपछि सडक अवरुद्ध भएको छ। सोलुखुम्बुमा सिद्धिचरण लोकमार्गसहितका सडकमा साँझ ६ बजेदेखि बिहान ६ बजेसम्म अत्यावश्यकबाहेकका सवारी तथा पैदल यात्रुको आवागमनमा रोक लगाइएको छ। भोजपुरमा मध्यपहाडी लोकमार्ग तथा भित्री सडकमा साँझ ७ बजेदेखि बिहान ५ बजेसम्म आवागमन रोकिएको छ। अत्यावश्यक सेवाका सवारी भने प्रहरीसँग समन्वय गरी सञ्चालन गर्न सकिने जनाइएको छ। त्यस्तै, शिवपुरी गाउँपालिका–८ घट्टेखोलास्थित टोखा–छहरे सडकखण्डमा राति १० बजेदेखि बिहान ५ बजेसम्म सवारी सञ्चालनमा रोक लगाइएको छ। चितवन तथा आसपासमा बाढी–पहिरोको जोखिमका कारण नारायणगढ–मुग्लिन सडकखण्डमा पनि सम्पूर्ण सवारी आवागमन बन्द गरिएको छ। धादिङको पृथ्वीराजमार्गमा पनि बाढी–पहिरोको जोखिमका कारण आवागमन रोकिएको छ। बेनिघाट रोराङ–१० पानीधारामा पहिरोका कारण सडक पूर्ण रूपमा अवरुद्ध छ भने कृष्णभिर, गौमतीखोला, चालिसे र परेवाभिर क्षेत्रमा पहिरोका कारण राजमार्ग एकतर्फी सञ्चालनमा रहेको प्रहरीले जनाएको छ।

लाईका खबर

प्रतिकुल मौसमबिच कहाँ कस्तो छ हवाई उडानको अवस्था ?

सम्बन्धित लेखहरू

तासको खालमा प्रहरी पुगेपछि भाग्दा एकको मृत्यु, एकको खुट्टा भाँचियो

अविरल वर्षाले देशभरका राजमार्ग प्रभावित, दर्जनौँ सडकखण्ड अवरुद्ध

टिप्पणीहरू (0)

सम्बन्धित लेखहरू

तासको खालमा प्रहरी पुगेपछि भाग्दा एकको मृत्यु, एकको खुट्टा भाँचियो

अविरल वर्षाले देशभरका राजमार्ग प्रभावित, दर्जनौँ सडकखण्ड अवरुद्ध

अछाममा पहलमान सिंहस्वाँर मार्ग भासियो, यातायात प्रभावित

भर्खरै

ट्रेन्डिङ