खुकुरी प्रहार गरी श्रीमतीको हत्या, श्रीमान पक्राउ

मोरङमा खुकुरी प्रहार गरी श्रीमतीको हत्या गर्ने एक जना पक्राउ परेका छन् ।

सुन्दरहरैचा नगरपालिका-१० बागझोडा बस्ने ५८ वर्षीय लक्ष्मण नेपाललाई आफ्नै श्रीमती ४१ वर्षीया पबित्रा फुयाल नेपालको हत्या गरेको अभियोगमा आइतबार बिहान प्रहरीले पक्राउ गरेको छ ।

इलाका प्रहरी कार्यालय बिराटचोकबाट खटिएको प्रहरीले उनलाई पक्राउ गरेको हो ।

घरायसी विवादका क्रममा लक्ष्मणले एक्कासी खुकुरी प्रहार गर्दा गम्भीर घाइते भएकी पबित्राको नोबेल अस्पताल बिराटनगरमा उपचारका क्रममा मृत्यु भएको थियो । नेपाललाई आवश्यक कारबाही हुने भएको छ । र यस सम्बन्धमा प्रहरीले आवश्यक अनुसन्धान गरिरहेको छ ।