प्रधानमन्त्रीद्वारा आज विदेशी राजदूतहरूसँग सामूहिक भेटवार्ता

काठमाडौं – प्रधानमन्त्री बालेन शाह ले आज नेपालस्थित विदेशी राजदूतहरूसँग सामूहिक भेटवार्ता गर्ने भएका छन्।

सिंहदरबार स्थित प्रधानमन्त्री तथा मन्त्रिपरिषद्को कार्यालयमा दिउँसो १२ बजे हुने उक्त भेटवार्तामा विभिन्न देशका राजदूतहरू सहभागी हुनेछन्। भेटमा शिशिर खनाल समेत उपस्थित रहने जनाइएको छ।

नेपालमा यसअघि नयाँ प्रधानमन्त्री नियुक्त भएपछि विदेशी राजदूतहरूसँग छुट्टाछुट्टै भेट गर्ने अभ्यास रहँदै आएको थियो। तर यसपटक सामूहिक रूपमा भेटवार्ता गर्न लागिएकोले यसलाई फरक शैलीको कूटनीतिक पहलका रूपमा हेरिएको छ।

भेटवार्तामा द्विपक्षीय सम्बन्ध, सहयोग विस्तार तथा समसामयिक अन्तर्राष्ट्रिय विषयमा छलफल हुने अपेक्षा गरिएको छ।