रौतहट जिल्ला अदालतका कर्मचारी घुससहित पक्राउ

रौतहट । रौतहटस्थित रौतहट जिल्ला अदालत का एक कर्मचारी घुस रकमसहित पक्राउ परेका छन्।

अख्तियार दुरुपयोग अनुसन्धान आयोग, हेटौंडाबाट खटिएको टोलीले अदालतका डिट्ठा लभकुमार सिंह लाई ५० हजार रुपैयाँ घुस लिँदै गर्दा रंगेहात नियन्त्रणमा लिएको हो।

सेवाग्राहीसँग मुद्दा मिलाइदिने भन्दै घुस मागिएको उजुरी आयोगमा परेपछि विशेष निगरानी गरिएको थियो। सोही क्रममा राजिव श्रेष्ठ (डीएसपी) को नेतृत्वमा रहेको टोलीले गौरस्थित अदालत परिसरमै उनलाई पक्राउ गरेको जनाएको छ।

अख्तियारका अनुसार घटनाबारे थप अनुसन्धान भइरहेको छ।