• साउन १४, २०८२
  • No Comment
  • 166

खरानीबाट उठ्दै सुर्खेतका व्यवसायी: आगलागीले ध्वस्त पसललाई बीमाको २ करोडको सहारा

सुर्खेत। सुर्खेतमा केही महिनाअघि भएको विनाशकारी आगलागीबाट आफ्नो व्यापार-व्यवसाय गुमाएका एक व्यवसायीले बीमा रकम पाएपछि राहतको सास फेरेका छन्। आगलागीले खरानी बनाएको पसललाई फेरि जिवन्त बनाउने आशासहित सिद्धार्थ प्रिमियम इन्स्योरेन्सले पीडित व्यवसायीलाई २ करोड रुपैयाँ हस्तान्तरण गरेको छ, जसले संकटको घडीमा बीमाको महत्त्वलाई उजागर गरेको छ।

गत वैशाख २५ गते सुर्खेतको वीरेन्द्रनगर नगरपालिका-३ मा रहेको टिका ओली स्टोरको गोदाममा भीषण आगलागी भएको थियो। उक्त आगलागीबाट गोदाममा रहेका सम्पूर्ण सामाग्री जलेर नष्ट हुँदा प्रोप्राइटर टिकाबहादुर ओलीको व्यवसाय पूर्ण रूपमा धराशायी बनेको थियो। घटनापछि व्यवसायी ओलीले बीमा दाबीका लागि प्रक्रिया अगाडि बढाएका थिए। सिद्धार्थ प्रिमियम इन्स्योरेन्सले घटनाको गम्भीरतालाई मनन गर्दै आवश्यक अनुसन्धान, मूल्यांकन र कागजी प्रक्रिया पूरा गरी २ करोड रुपैयाँको दाबी भुक्तानी गरेको हो। बीमा रकम पाएपछि उत्साहित बनेका ओलीले भने, “यो कठिन समयमा इन्स्योरेन्सबाट पाएको सहयोगले मलाई फेरि व्यवसायमा फर्कन ठूलो हिम्मत र हौसला दिएको छ।” यो घटनाले व्यवसायमा आइपर्ने अप्रत्याशित जोखिमबाट बच्न बीमाले कसरी सुरक्षा कवचको काम गर्छ भन्ने कुरा स्पष्ट पारेको छ।

सम्बन्धित खबर

सुर्खेतमा नेशनल प्याब्सनकाे अन्तरविद्यालय वक्तृत्वकला तथा हस्तलेखन प्रतियोगिता सम्पन्न

सुर्खेतमा नेशनल प्याब्सनकाे अन्तरविद्यालय वक्तृत्वकला तथा हस्तलेखन प्रतियोगिता सम्पन्न

सुर्खेत, साउन १० — नेशनल प्राइभेट एन्ड बोर्डिङ स्कुल एशोसिएसन नेपाल (नेशनल प्याब्सन) जिल्ला समिति सुर्खेतको आयोजनामा वीरेन्द्रनगरस्थित सुभ होटलमा अन्तरविद्यालय…
सुर्खेत बसपार्कमा एक युवकमाथि अज्ञात समूहकाे आक्रमण

सुर्खेत बसपार्कमा एक युवकमाथि अज्ञात समूहकाे आक्रमण

सुर्खेतको वीरेन्द्रनगर बसपार्कमा एक युवकमाथि गएराति अज्ञात समूहले साङ्घातिक आक्रमण गरेको छ । ‎जिल्ला प्रहरी कार्यालय सुर्खेतका अनुसार आक्रमणबाट लेकबेशी नगरपालिका–६…
सुर्खेतमा सवारी ज्यान मुद्दामा दुई वर्ष कैद सजाय पाएका फरार प्रतिवादी एक वर्षपछि पक्राउ

सुर्खेतमा सवारी ज्यान मुद्दामा दुई वर्ष कैद सजाय पाएका…

सुर्खेत। जिल्ला प्रहरी कार्यालय, सुर्खेतले सवारी ज्यान मुद्दामा अदालतबाट दोषी ठहर भई फरार रहेका एक व्यक्तिलाई पक्राउ गरेको छ। दैलेखको भगवतीमाई…

Leave a Reply

Your email address will not be published. Required fields are marked *