नेप्से २४.७६ अंकले घट्दा पनि कारोबार रकममा वृद्धि

धितोपत्र दोस्रो बजार मापक नेप्से परिसूचक आज २४.७६ अंकले घटेर २,६२८.९१ विन्दुमा बन्द भएको छ। परिसूचकमा गिरावट आए पनि कारोबार रकममा उल्लेख्य वृद्धि भएको छ।

आज कुल कारोबार रकम ११ अर्ब २३ करोड १४ लाख रुपैयाँ पुगेको छ, जुन अघिल्लो दिनको नौ अर्ब आठ करोड ५८ लाख रुपैयाँको तुलनामा करिब दुई अर्ब १४ करोड रुपैयाँले बढी हो।

आज ४७ कम्पनीको सेयर मूल्यमा वृद्धि देखिएको छ भने २०१ कम्पनीको सेयर मूल्य घटेको छ। तीमध्ये पियोर इनर्जीको सेयर मूल्यमा सबैभन्दा बढी—१० प्रतिशतको गिरावट आएको छ।

आज कारोबार भएका सबै १३ वटै समूहको परिसूचक घटेको छ। तीमध्ये व्यापार समूहको परिसूचकमा सबैभन्दा बढी—२.४७ प्रतिशतले गिरावट आएको छ।