जाजरकोटमा पानी ट्याङ्कीमा डुबेर १२ वर्षीय बालकको मृत्यु

 जाजरकोट।  जाजरकोटको भेरी नगरपालिकाको वडा नम्बर ९, कालाभुरमा एक १२ वर्षीय बालकको पानी ट्याङ्कीमा डुबेर ज्यान गएको छ।

खडक प्रसाद शर्माका छोरा रमेश शर्मा स्थानीय सिचाइ प्रयोजनका लागि बनाइएको खुल्ला पानी ट्याङ्कीमा पौडी खेल्ने क्रममा आइतबार दिउँसो १:३० बजे डुबेर मृत्यु भएको जिल्ला प्रहरी कार्यालयले जाजरकाेटले जनाएको छ।

घटनाको खबर प्राप्त हुनासाथ ईलाका प्रहरी कार्यालय जगतीपुरबाट प्रहरी निरीक्षक कमल बटालाको कमाण्डमा ४ जना प्रहरी टोली तत्काल घटनास्थलतर्फ खटिएको थियो।

 थप अनुसन्धानका लागि जिल्ला प्रहरी कार्यालय जाजरकोटबाट प्रहरी निरीक्षक हरिराम डाँगीको कमाण्डमा SOCO टोली पनि दिउँसो २:३० बजे घटनास्थलतर्फ खटिएको जनाइएको छ।

हाल घटनाको थप अनुसन्धान भइरहेको प्रहरीले जनाएको छ।