दैनिक शौचालयमा जाँदा यी सावधानी अपनाउनुहोस, हुन सक्छ ठुलाे दुर्घटना

काठमाडौं । दैनिक जीवनमा अनिवार्य रूपमा प्रयोग गरिने शौचालय तथा वाथरुम दुर्घटनाको उच्च जोखिमयुक्त स्थान हो भन्ने कुरा धेरैलाई थाहा नहुन सक्छ। विशेष गरी बालबालिका, वृद्धवृद्धा र शारीरिक रूपमा अशक्त व्यक्तिहरूका लागि शौचालय जानु पनि जोखिमपूर्ण बन्न सक्छ।

शौचालयको सतह प्रायः चिप्लो हुने, साबुन वा पानीका कारण फर्श चिप्लिने, कमजोर प्रकाश, अव्यवस्थित सामान तथा सुरक्षित संरचनाको अभावजस्ता कारणले गर्दा हरेक दिन सयौँ मानिसहरू चोटपटकको शिकार हुने गरेका छन्।

दुर्घटनाका प्रमुख कारणहरू

शौचालयमा हुने प्रमुख दुर्घटनाहरूको मूल कारण चिप्लो फर्श हो। टायल वा चिल्लो सतहमा पानी परेपछि लड्ने सम्भावना अत्यधिक हुन्छ। त्यसमाथि यदि प्रयोगकर्ताले चिप्लो जुत्ता वा चप्पल प्रयोग गरेका छन् भने दुर्घटनाको जोखिम अझ बढ्छ। यस्तै, उज्यालोको अभाव, समाउने रेलिङ वा ह्यान्डलको नहुँदो अवस्था, खुला विद्युतीय उपकरण, अव्यवस्थित सामग्री तथा शरीर अस्वस्थ हुँदा हुने समस्याहरू पनि जोखिम बढाउने कारक हुन्।

विशेषज्ञहरूका अनुसार शौचालयमा हुने दुर्घटनालाई सजिलै कम गर्न सकिन्छ, यदि आवश्यक सावधानीहरू अपनाइयो भने,चिप्लो सतह प्रयोग नगर्नेस् चिल्लो टायलको सट्टा खस्रो सतहको टायल प्रयोग गर्नु वा रबर म्याट राख्नु उपयुक्त हुन्छ, भुइँ सुक्खा राख्नेस् पानी परेको वा साबुन परेका सतहहरू तुरुन्त पुछेर सफा राख्नुपर्छ, सही जुत्ता–चप्पलको छनोटस् चिप्लो नहुने विशेष डिजाइनको चप्पल वा जुत्ता प्रयोग गर्नुपर्छ, प्रकाशको राम्रो व्यवस्थास् उज्यालो बत्ती राख्नुका साथै रातको समयलाई लक्षित सेन्सर लाइट जडान गर्नु उपयुक्त हुन्छ।

साथै, बिजुलीको सुरक्षित प्रयोगस् वाटरप्रूफ उपकरण तथा न्ँऋक्ष् जडान गरिनु आवश्यक छ, संरचनागत सुधारस् रेलिङ, ह्यान्डलजस्ता समाउने व्यवस्था अनिवार्य गर्नुपर्छ, सामग्रीको व्यवस्थापनस् साबुन, बाल्टिन, ब्रस आदि व्यवस्थित रूपमा राख्नुपर्छ, स्वास्थ्य समस्या भए सजग हुनुस् कमजोरी वा दीर्घरोग भएका व्यक्तिलाई सहयोगीको साथमा पठाउनु आवश्यक हुन्छ र आपतकालीन तयारीस् भित्रैबाट बाहिर खबर गर्न मिल्ने व्यवस्था, आपतकालीन चुकुल र प्राथमिक उपचार सामग्री राख्न सकिन्छ।

शौचालयको प्रयोग एक सामान्य प्रक्रिया भए पनि सावधानी नअपनाउँदा गम्भीर चोटपटक वा ज्यानसम्म जाने जोखिम रहन्छ। स(साना सतर्कताले ठूला दुर्घटनाबाट बच्न सकिने हुँदा यस विषयमा परिवारका सबै सदस्यलाई सचेत गराउनु आजको आवश्यकता हो।