जाडोमा यी चीज खाँदा बढ्‌छ कोलेस्ट्रोल ?

कोलेस्ट्रोल शरीरका कोशिकाहरूमा पाइने तत्व हो, जुन शरीरको क्रियाकलापका लागि आवश्यक हुन्छ । तर यसको अत्यधिक स्तर हानिकारक हुनसक्छ ।

उच्च कोलेस्ट्रोल, जसलाई हाइपर कोलेस्ट्रोलेमिया पनि भनिन्छ, यसले मुटु रोग र स्ट्रोकको जोखिम बढाउँछ।

शरीरमा गुड र ब्याड कोलेस्ट्रोलको स्तर बढ्‌न-घट्‌नमा खानपानको महत्त्‌वपूर्ण भूमिका हुन्छ। विशेष गरी जाडोमा केही त्यस्ता खाद्य पदार्थ धेरै खाइन्छन्, जसले तपाईंको कोलेस्ट्रोलको स्तर बढाउन सक्छन्.​

के जाडोमा कोलेस्ट्रोल बढ्‌न सक्छ ?

जाडोको मौसम स्वास्थ्यको दृष्टिले निकै चुनौतीपूर्ण हुन्छ । खानपान, जीवनशैली र अनुवांशिकता कोलेस्ट्रोल बढ्‌ने कारण बन्न सक्छन्. जाडोले प्रत्यक्ष रूपमा कोलेस्ट्रोल बढाउँदैन, तर जाडो महिनामा स्वस्थ आहार र व्यायामको तालिका कायम राख्न गाह्रो हुनसक्छ, जसले गर्दा कोलेस्ट्रोलको स्तर बढ्‌न सक्छ।

तापक्रम घट्‌दा शरीरलाई तातो राख्न फ्राइड स्न्याक्स र कार्बोहाइड्रेटयुक्त खाद्य पदार्थ खाने इच्छा बढ्‌छ। यस्ता धेरै खाद्य पदार्थ वर्षभरि उपलब्ध हुन्छन्, तर जाडोमा ती बढी खाइन्छन्. यहाँ केही खाद्य पदार्थहरू छन् जुन उच्च कोलेस्ट्रोलको कारण बन्न सक्छन् ।

घिउ

जाडोमा परिकारहरूमा घिउको प्रयोग धेरै हुन्छ। विशेषज्ञहरू भन्छन्, यसले खानामा स्वाद, बनावट र सुगन्ध थप्छ । यो स्वस्थ बोसोको राम्रो स्रोत हो, तर धेरै खाँदा, विशेष गरी नियमित व्यायाम नगरेको अवस्थामा, यसले शरीरमा खराब कोलेस्ट्रोलको स्तर बढाउन सक्छ।​

पनिर

​पनिर पनि नेपालमा लोकप्रिय परिकार हो । विशेषगरी पालक पनिर र पनिर टिक्काजस्ता परिकार लोकप्रिय छन् । यसमा पनि स्याचुरेटेड फ्याट धेरै हुन्छ, जसले कोलेस्ट्रोलको स्तर बढाउन सक्छ।​

रातो मासु

जाडोमा प्रायः रातो मासु मन पराइन्छ, किनभने यसले शरीरलाई तातो राख्छ। तर, यसमा स्याचुरेटेड फ्याट र कोलेस्ट्रोल धेरै हुन्छ, जसले मुटुसम्बन्धी समस्या निम्त्याउन सक्छ।

तारेका स्न्याक्स

​समोसा, पकौडाजस्ता फ्राइ गरिएका स्न्याक्स जाडोमा धेरै खाइन्छन्, तर यस्ता खाद्य पदार्थहरूमा ट्रान्स फ्याट अत्यधिक हुन्छ, जसले खराब कोलेस्ट्रोलको मात्रा बढाउन सक्छ।