चौकुने गाउँपालिकामा अध्यक्ष कप भलिबल प्रतियोगिता संचालन हुने

दिलिप कडेल,
सुर्खेत। जिल्लाको चौकुने गाउँपालिकाले अध्यक्ष कप भलिबल प्रतियोगिताको आयोजना गर्ने भएको छ । गाउँपालिकाको आर्थिक वर्ष २०८१/०८२ को वार्षिक स्वीकृत कार्यक्रम अनुसार अध्यक्ष खेलकुद प्रतियोगिता अन्तर्गत पालिकास्तरीय भलिबल प्रतियोगिताको आयोजना गरिएको खेलकुद बिकास समितिका उपाध्यक्ष बिजय बहादुर बि कले जानकारी दिनुभएको छ ।

खेलकुद बिकास समितिका उपाध्यक्षका अनुसार आगामी कात्तिक ५ देखि ७ गते चौकुने गाउँपालिकाको वडा नम्बर ८गुटुमा रहेको रंगशालामा प्रतियोगिता हुनेभएको छ । भलिबल प्रतियोगितामा प्रथम हुनेलाई ३० हजार रुपियाँ, द्वितीयलाई २० हजार रुपियाँ, तृतीय हुनेलाई १० हजार रुपियाँ र सहभागी सबैलाई प्रमाणपत्र प्रदान गरिने गाउँपालिकाले जनाएको छ ।

प्रतियोगितामा यस गाउँपालिकाभित्र रहेका १ देखि १० वटै वडाबाट खेलाडी सहभागी हुनेछन् प्रतियोगिताका लागि कार्तिक १ गते देखि ४ गतेसम्म टिम दर्ता गराई सक्नु पर्ने , खेलाडी सम्बन्धित वडाको हुनुपर्ने ,पोशाक अनिवार्य हुनुपर्ने र टिम दर्ताका लागि ३ हजार १ सय ११ एघार रुपैयाँ शुल्क लाग्ने खेल बिकास समितिका उपाध्यक्ष बि कले बताएका छन ।

थप जानकारीका लागि शिक्षा शाखा प्रमुख टेकेन्द्र बुढा ९८५८०५९००६ र खेलकुद समिति पदम राज शर्मा ९८४८३७६२१२