चाैकुने गाँउपालिकामा अति बिपन्न र असहाय बालबालिका हरुलाई शैक्षिक सामग्री हस्तान्तरण

सुर्खेतको चौकुने गाउँपालिका वडा नं –  ८ का अनाथ असहाय तथा विपन्न बालबालिकालाई शैक्षिक सामाग्री सहयोग हस्तान्तरण गरिएको छ ।आर्थिक समस्याका कारण र अप्ठरोमा परेमा वालवालिकालाई युनिसेफ नेपालको सहकार्यमा उक्त सहयोग हस्तान्तरण गरिएको हो ।

सहयोग अन्तरगत आर्थिक अवस्था निकै कमजोर रहेका चौकुने गाउँ पालिका वडा नम्बर ८ को मा बि भट्टेसरामा अध्ययनरत तिर्सना बि क र ने रा आ बि मोतिसेरा का जनक शाहिलाई शैक्षिक सामाग्री सहयोग गरिएको छ सहयोग हस्तान्तरण पश्चात बोल्दै वडाध्यक्ष कमल जि सी ले वडाले गर्नुपर्ने काममा युनिसेफले गरेको सहयोग प्रशंसनिय भएको बताउनु भएको छ ।

अध्यक्ष जि सी ले सानो सहयोग पनि अनाथ बालबालिकालाई ठूलो काम लाग्ने भन्दै आगामी दिनमा पनि सहयोग गर्ने प्रतिबद्धता व्यक्त गर्नु भएको छ ।उहाँले आफ्नो वडामा रहेका विपन्न बालवालिकालाई सहयोग गरेकोमा युनिसेफ लाई धन्यबाद ज्ञापन गर्नु भएको छ ।