राष्ट्रियसभा निर्वाचन: ११ बजेसम्म कर्णालीमा १६८ जनाले गरे मतदान

सुर्खेत — कर्णाली प्रदेशमा बिहान ९ बजेदेखि सुरु भएको राष्ट्रियसभा निर्वाचनमा ११ बजेसम्म १६८ जनाले मतदान गरेका छन्।

प्रदेश निर्वाचन अधिकृत लालबहादुर गुरुङका अनुसार प्रदेश सभातर्फ ४० मध्ये ३८ जनाले मतदान गरिसकेका छन्। तीमध्ये २५ जना पुरुष र बाँकी महिला रहेका छन्। यस्तै, स्थानीय तहका तर्फबाट १३० जनाले मतदान गरेका छन्, जसमा ४९ महिला र ८१ पुरुष रहेका छन्।

कर्णाली प्रदेशबाट एक महिला र एक अन्य क्लस्टरतर्फ राष्ट्रियसभा सदस्यका लागि निर्वाचन भइरहेको छ। कर्णाली प्रदेशमा राष्ट्रियसभा निर्वाचनका लागि कुल १९८ जना मतदाता रहेका छन्।