हुम्लामा हिमपातका कारण जनजीवन प्रभावित

हुम्ला — हुम्लामा हिमपात सुरु भएको छ। गत भदौदेखि वर्षा नपरेको जिल्लामा वर्षासँगै यस वर्षकै पहिलो पटक हिमपात भएको हो। लामो समयसम्म हिउँ नपर्दा चिन्तित रहेका किसानहरू हिमपात सुरु भएपछि खुसी भएका छन्।

जिल्लाको तल्लो भेगमा भने निरन्तर वर्षा भइरहेको छ। तल्लो क्षेत्रमा पर्याप्त वर्षा भएपछि माथिल्लो भेगमा हिमपात हुने गर्दछ। हाल सिमकोट, नाम्खालगायत माथिल्लो हुम्लाका क्षेत्रमा हिमपात भइरहेको जनाइएको छ।

हिमपातका कारण जनजीवन कष्टकर बनेको छ। नाम्खा गाउँपालिका तथा सो गाउँपालिका हुँदै हिल्सा जाने सडक पूर्णरूपमा अवरुद्ध भएको छ, जसले यातायात र दैनिक गतिविधिमा समस्या सिर्जना गरेको छ।