राष्ट्रिय प्राविधिक शिक्षालयमा नयाँ विद्यार्थी स्वागत तथा पुराना विद्यार्थी विदाइ कार्यक्रम सम्पन्न

वीरेन्द्रनगर, सुर्खेत — राष्ट्रिय प्राविधिक शिक्षालयमा अध्ययनरत नयाँ विद्यार्थीहरूको स्वागत तथा पुराना विद्यार्थीहरूको विदाइ कार्यक्रम भव्य रूपमा सम्पन्न भएको छ।

शनिवार आयोजना गरिएको कार्यक्रमको उद्घाटन वीरेन्द्रनगर नगरपालिकाका उप–प्रमुख निलकन्ठ खनालले गर्नुभएको थियो । उद्घाटन समारोहमा बोल्दै उप–प्रमुख खनालले प्राविधिक शिक्षा देशको समग्र विकासका लागि अत्यन्तै महत्वपूर्ण रहेको उल्लेख गर्नुभयो । उहाँले सीपमूलक शिक्षाले युवालाई आत्मनिर्भर बनाउँदै रोजगारी र उत्पादनशीलतामा जोड्ने विश्वास व्यक्त गर्नुभयो । साथै, शिक्षालयबाट उत्पादन हुने दक्ष जनशक्तिले स्थानीय तहदेखी राष्ट्रिय स्तरसम्म महत्वपूर्ण योगदान पु¥याउने आशा व्यक्त गर्नुभयो ।

कार्यक्रममा शिक्षालयका प्रमुख मिन बहादुर खड्काले स्वागत मन्तव्य दिँदै नयाँ विद्यार्थीहरूलाई अध्ययनमा अनुशासन, लगनशीलता र सिर्जनशीलता अपनाउन आग्रह गर्नुभयो । साथै, अध्ययन पूरा गरी विदाइ हुँदै गरेका विद्यार्थीहरूलाई उज्ज्वल भविष्यको कामना गर्दै शुभेच्छा व्यक्त गर्नुभयो ।

कार्यक्रममा शिक्षक, कर्मचारी, विद्यार्थी, अभिभावक तथा विभिन्न संघ–संस्थाका प्रतिनिधिहरूको उल्लेख्य उपस्थिति रहेको थियो । सांस्कृतिक कार्यक्रम, विद्यार्थी प्रतिभा प्रस्तुति तथा शुभकामना आदान–प्रदानसहित कार्यक्रम सम्पन्न भएको शिक्षालयले जनाएको छ।