दैनिक दही खानुका यी हुन् १० फाइदा

काठमाडौं । दहीलाई स्वास्थ्यका लागि प्रकृतिले दिएको महत्त्वपूर्ण उपहार मानिन्छ। पोषणले भरिपूर्ण यो खाद्यपदार्थमा फाइबर, प्रोटिन, सुगर, फ्याटसँगै विभिन्न भिटामिन र मिनरल्स प्रशस्त मात्रामा पाइने भएकाले नियमित सेवन स्वास्थ्यका लागि लाभदायक मानिन्छ।
इतिहासअनुसार भारतीय उपमहाद्विपमा पाँच हजार वर्षअघि नै दही सेवन सुरु भएको बताइन्छ। भगवान श्रीकृष्णको कथासँग दहीको सम्बन्ध रहेकै कारण यसलाई धार्मिक–सांस्कृतिक महत्व पनि छ। युरोपेली मुलुक बुल्गेरियाले पनि दहीको उत्पत्तिमा दाबी गर्दै आएको छ, जहाँ करिब चार हजार वर्षपहिले दही सेवन थालिएको दाबी गरिन्छ।
दहीमा पाइने पोषक तत्वले पाचन प्रणाली सुधार गर्ने, इम्युन सिस्टम बलियो बनाउने, तौल सन्तुलनमा राख्ने तथा हड्डी सुदृढ बनाउने भूमिकासहित धेरै फाइदा दिने तथ्य वैज्ञानिकहरूले पुष्टि गर्दै आएका छन्।
दैनिक दही सेवनका १० प्रमुख फाइदा
– पाचन प्रणाली मजबुत बनाउँछ
– रोग प्रतिरोधात्मक क्षमता बलियो बनाउँछ
– हड्डी र दाँतलाई मजबुत बनाउँछ
– तौल व्यवस्थापनमा सहायक हुन्छ
– मुटुको स्वास्थ्यमा सुधार ल्याउँछ
– छालाको स्वास्थ्यका लागि लाभदायक
– रक्तमा सुगरको मात्रा नियन्त्रणमा राख्छ
– तनाव र एन्जाइटी कम गर्न मद्दत गर्छ
– कपालको स्वास्थ्यमा फाइदा पुर्‍याउँछ
– शरीरलाई हाइड्रेटेड राख्न सहयोग गर्छ
विशेषज्ञहरूका अनुसार, दहीलाई दैनिक खानपानमा समावेश गर्दा शरीरलाई आवश्यक पोषकतत्व सजिलै प्राप्त हुन्छ र समग्र स्वास्थ्यमा सकारात्मक प्रभाव पर्छ।