भैरहवामा श्री एयरलाइन्सको विमानको आकस्मिक अवतरण, सबै यात्रु सकुशल

काठमाडौं – धनगढीबाट काठमाडौं उडेको श्री एयरलाइन्सको विमानले हाइड्रोलिक फेलियर भएपछि भैरहवास्थित गौतमबुद्ध अन्तर्राष्ट्रिय विमानस्थलमा आकस्मिक अवतरण गरेको छ।
शुक्रबार बिहान करिब १० बजे धनगढीबाट उडेको श्री एयरलाइन्सको फ्लाइट नम्बर २२२ लाई बीचैमा हाइड्रोलिक सिस्टममा समस्या देखिएपछि भैरहवा मोडिएको विमानस्थल स्रोतले जनाएको छ।
हाइड्रोलिक फेल भएपछि विमान रनवेबाट स्वतन्त्र रूपमा गुड्न नसकेकाले करिब ४० मिनेटसम्म अन्य उडानहरू प्रभावित भएका थिए।
आकस्मिक अवतरणका क्रममा विमानको अगाडिको ल्यान्डिङ गियर नखुल्दा विमान केही समय धानवमार्गमा रोकिएको थियो। विमानमा रहेका ८२ जना यात्रु र चालक दलका सदस्य सबै सकुशल रहेका छन्।
साढे १२ बजे ल्यान्डिङ गियर खुलेपछि विमानलाई गौतमबुद्ध अन्तर्राष्ट्रिय विमानस्थलको टर्मिनल पार्किङ क्षेत्रमा सुरक्षित रूपमा सारिएको विमानस्थल कार्यालयले जनाएको छ।
यस घटनापछि प्राविधिक टोलीले विमानको हाइड्रोलिक प्रणालीको विस्तृत जाँच सुरू गरेको छ।