आज कोशी, बागमती, गण्डकी र लुम्बिनीका केही स्थानमा भारी वर्षाको सम्भावना

 साउन २६ — मनसुनको न्यून चापीय रेखा सरदर स्थानको आसपास रहेकाले आज देशभर सामान्यतया बदली रहने मौसम पूर्वानुमान महाशाखाले जनाएको छ। कोशी, बागमती, गण्डकी र लुम्बिनी प्रदेशका थोरै स्थानमा मध्यम वर्षा भइरहेको छ भने बाँकी क्षेत्रमा छिटफुट वर्षा भइरहेको छ।

सोमबार देशका पहाडी भू-भागका धेरै स्थानमा तथा मधेससहित तराईका केही भागमा मध्यम वर्षा हुने सम्भावना छ। विशेषगरी कोशी, बागमती, गण्डकी र लुम्बिनी प्रदेशको पहाडी भू-भागका एक-दुई स्थानमा भारी वर्षा हुन सक्ने भएकाले जनजीवन, स्वास्थ्य, सडक तथा हवाई यातायातमा असर पर्न सक्ने चेतावनी दिइएको छ। महाशाखाले पछिल्लो मौसमी सूचनामा अपडेट रहन र आवश्यक सतर्कता अपनाउन सर्वसाधारणलाई आग्रह गरेको छ।