- असार ९, २०८२
- No Comment
- 96
रुकुमपश्चिममा चट्याङ लागेर एक महिलाको मृत्यु
रुकुमपश्चिम – रुकुमपश्चिममा चट्याङ लागेर एक महिलाको मृत्यु भएको छ।
त्रिवेणी गाउँपालिका–१० बर्नेटीकी ५० वर्षीया गनेशा ओलीको आइतबार साँझ मृत्यु भएको जिल्ला प्रहरी कार्यालयका सूचना अधिकारी प्रहरी निरीक्षक हरिप्रसाद पुनले जानकारी दिए।
प्रहरी निरीक्षक पुनका अनुसार घरभित्र रहेको मिटर बक्समा चट्याङ पर्दा गनेशा एक्कासी बेहोस भएकी थिइन्।
तत्काल उद्धार गरी उनलाई जिल्ला अस्पताल सल्ले पुर्याएकामा चिकित्सकले गएराति नै मृत्यु भएको घोषणा गरेको जनाइएको छ ।
