नेविसंघद्वारा एनओसीमा अनियमितता गर्नेविरुद्ध कारबाहीको माग

 नेपाल विद्यार्थी संघ (नेविसंघ) ले वैदेशिक अध्ययन अनुमति पत्र (एनओसी) प्रक्रियामा देखिएको अनियमितताप्रति आपत्ति जनाउँदै दोषीमाथि कडा कारबाहीको माग गरेको छ।

संघले एक विज्ञप्ति जारी गर्दै एनओसी प्राप्त गर्न विद्यार्थीहरूले भोग्नुपरेको सास्ती र त्यस क्रममा हुने कथित आर्थिक अपचलन तथा ढिलासुस्ती तत्काल अन्त्य गर्न सरकारको ध्यानाकर्षण गराएको हो।

नेविसंघले शिक्षा मन्त्रालयलाई प्रक्रिया पारदर्शी, सरल र द्रुत बनाउन आग्रह गर्दै सम्बन्धित निकायका लापरवाह अधिकारीहरूलाई कारबाही गर्न चेतावनीसमेत दिएको छ।