उदयपुरमा दुई जना मृत अवस्थामा फेला, अनुसन्धान जारी

उदयपुरको चौदण्डीगढी नगरपालिका–४ अमलचौरीमा एक युवक र एक किशोरी मृत अवस्थामा फेला परेका छन्। जिल्ला प्रहरी कार्यालय उदयपुरका अनुसार अमलचौरीका २७ वर्षीय रविन्द्र राई र १४ वर्षीया मञ्जु राई मृत अवस्थामा फेला परेका हुन्। मञ्जु राईको शव गाउँकै बाटोमा भेटिएको थियो भने करिब २०० मिटर पर रविन्द्र राईको शव आँपको रुखमा झुण्डिएको अवस्थामा फेला परेको प्रहरीले जनाएको छ।

दुवैजनाको मृत्युको कारण हालसम्म यकिन भइसकेको छैन। घटनाबारे थप अनुसन्धान भइरहेको छ भने दुबै शव पोष्टमार्टमका लागि पठाइएको प्रहरीले जानकारी दिएको छ।