• असार १, २०८२
  • No Comment
  • 74

कर्णालीमा खेलकुद परिषद्को जिम्मेवारी कर्मचारीलाई नदिन आदेश

वीरेन्द्रनगर । उच्च अदालत सुर्खेतले कर्णाली प्रदेश खेलकुद विकास परिषद्को सदस्य सचिवमा कर्मचारीलाई नियुक्त गर्ने प्रदेश सरकारको निर्णय तत्काल कार्यान्वयन नगर्न अन्तरिम आदेश जारी गरेको छ ।

गत जेठ १८ गते बसेको कर्णाली प्रदेश मन्त्रिपरिषद्को बैठकले परिषद्को रिक्त सदस्य सचिव पदमा सामाजिक विकास मन्त्रालयका उपसचिव जवाहरलाल हमाललाई नियुक्त गर्ने निर्णय गरेको थियो । उक्त निर्णय खेलकुद विकास ऐनविपरीत भएको दाबीसहित अधिवक्ताद्वय शेरबहादुर खत्री र उपेन्द्रकुमार रावतले उच्च अदालतमा रिट दायर गरेका थिए ।

रिटमाथिको प्रारम्भिक सुनुवाइपछि अदालतले रिट निवेदनको टुङ्गो नलागुन्जेलसम्मका लागि सरकारको निर्णयलाई यथास्थितिमा राख्न र कार्यान्वयन नगर्न/नगराउन अन्तरिम आदेश दिएको हो ।

अदालतले आफ्नो आदेशमा सरकारका हरेक कामकारबाही कानुनसम्मत हुनुपर्नेमा जोड दिएको छ । कर्णाली प्रदेश खेलकुद विकास ऐनको दफा १२ मा सदस्य सचिव नियुक्तिको स्पष्ट व्यवस्था रहेको र सोबाहेक अन्य तरिकाले नियुक्ति गर्ने परिकल्पना कानुनले नगरेको अदालतको ठहर छ ।

गत वर्षको पुसदेखि रिक्त रहेको सदस्य सचिव पदमा प्रदेश सरकारले तत्कालका लागि काम चलाउन भन्दै कर्मचारीलाई जिम्मेवारी दिएको थियो । तर, रिट निवेदकहरूले कानुनी व्यवस्था मिचेर गरिएको नियुक्ति खारेज गर्न र कानुनसम्मत तरिकाले परिषद्का पदाधिकारी नियुक्त गर्न उत्प्रेषणयुक्त परमादेशको माग गरेका थिए ।

यो आदेशसँगै प्रदेश खेलकुद परिषद्को नेतृत्व चयन प्रक्रिया अब अदालती फैसलापछि मात्र अघि बढ्ने देखिएको छ ।

सम्बन्धित खबर

भिटामिन बी–१२ को कमीले बढाउँछ नकारात्मक विचार र मानसिक समस्या

भिटामिन बी–१२ को कमीले बढाउँछ नकारात्मक विचार र मानसिक…

शरीरलाई स्वस्थ राख्नका लागि विभिन्न पोषक तत्व आवश्यक हुन्छन्, जसमा भिटामिन बी–१२ महत्त्वपूर्ण मानिन्छ। यसको कमीले शारीरिक मात्र नभई मानसिक स्वास्थ्यमा…
सुर्खेतमा भन्सार छली सामान बरामद

सुर्खेतमा भन्सार छली सामान बरामद

सुर्खेत । जिल्ला प्रहरी कार्यालय सुर्खेतको टोलीले भन्सार छली ल्याइएको ठूलो परिमाणको मोबाइल पार्ट्ससहितका सामान बरामद गरेको छ । शनिबार दिउँसो…
कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री कँडेल

कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री…

सुर्खेत । कर्णाली प्रदेशका मुख्यमन्त्री यामलाल कँडेलले निर्माणाधीन कोहलपुर–सुर्खेत १३२ केभी प्रशारणलाइन तिहारभित्रै सम्पन्न गर्ने गरी काम गर्न निर्देशन दिएका छन्…

Leave a Reply

Your email address will not be published. Required fields are marked *