प्रतिनिधिसभामा विपक्षीको नाराबाजीका बीच बैठक अगाडि बढाउँदै सभामुख

नाराबाजी र वेल घेराउका बीचमा प्रतिनिधिसभाको बैठक अगाडि बढाएका सभामुख देवराज घिमिरेको कदमप्रति विपक्षी दलहरूले आपत्ति जनाएका छन्।

प्रतिपक्षमा रहेका राष्ट्रिय स्वतन्त्र पार्टी (रास्वपा)ले वेल घेरेर नाराबाजी गरिरहेको छ भने, राष्ट्रिय प्रजातन्त्र पार्टी (राप्रपा)का सांसदहरू आसनमै उभिएर विरोध जनाइरहेका छन्।

यस्तै, नेकपा (एकीकृत समाजवादी) र राप्रपाले संसदभित्रै सभामुखलाई बैठक रोक्न आग्रह गरेका थिए। राप्रपाका प्रमुख सचेतक ज्ञानेन्द्र शाही र समाजवादीका वरिष्ठ उपाध्यक्ष राजेन्द्र

पाण्डेले सहमति खोज्न पहल गर्न आग्रह गरे पनि सभामुख घिमिरेले बैठक अघि बढाएका हुन्। विपक्षी दलहरूको असहमति र संसदीय मर्यादाबारे बहस भइरहेका बेला बैठक सञ्चालनको निर्णयले सदनमा थप असन्तोष चुलिएको छ।