दुई निर्माण कम्पनी कालोसूचीमा, खरिद अनुगमन कार्यालयको निर्णय

खरिद अनुगमन कार्यालयले आज एक सूचना जारी गर्दै दुईवटा निर्माण कम्पनीलाई कालोसूचीमा राखेको जनाएको छ। कार्यालयका अनुसार विभिन्न निकायबाट प्राप्त सिफारिसको आधारमा सार्वजनिक खरिद ऐन, २०६३ को दफा ६३(१) अनुसार उक्त निर्णय गरिएको हो।

सूचनामा उल्लेख भएअनुसार ती कम्पनीहरूलाई एक वर्षदेखि तीन वर्षसम्म कालोसूचीमा राखिनेछ। यस निर्णयसँगै ती कम्पनीहरू निश्चित अवधि सम्म सरकारी ठेक्कामा सहभागी हुन अयोग्य हुनेछन्।