सभामुख घिमिरेको आग्रह : “संसद् प्राणहीन नबनाऔँ”, बैठक फेरि स्थगित

काठमाडौं — प्रतिनिधिसभाका सभामुख देवराज घिमिरेले सांसदहरूलाई संसदलाई “प्राणहीन” नबनाउन अपिल गरेका छन्। बुधबारको बैठकमा प्रमुख प्रतिपक्ष माओवादी केन्द्र, रास्वपा, राप्रपा र एकीकृत समाजवादीका सांसदहरू नाराबाजीमा उत्रिएपछि उनले यस्तो आग्रह गरेका हुन्।

सभामुख घिमिरेले दुई सातादेखि संसद् अबरुद्ध भएकाले छलफलका लागि अनुकूल वातावरण बनाउनुपर्ने आवश्यकता दोहोर्याए। उनले भने, “संसद् देशका समस्यामाथि छलफल गर्ने सर्वोच्च मञ्च हो। सबै माननीय सदस्यहरूलाई आसन ग्रहण गरी नियमित कार्यसूचीमा प्रवेश गर्न म अनुरोध गर्छु। उनले दलहरूको विषयहरू दलीय आधारमा प्रस्तुत गर्न सकिने भन्दै छलफल अघि बढाउन आग्रह गरे। तर सांसदहरू अझै आसनमा फर्केनन् र नाराबाजी जारी राखे। अन्ततः सभामुखले आजको बैठक स्थगन गरेका छन्। अब संसद् बैठक बिहीबार दिउँसो ३ बजे बस्नेछ।