बेगनास तालमा एकजना बेपत्ताको, खोजीमा सशस्त्र

पोखरा, माझीकुना स्थित बेगनास तालमा पौडी खेल्ने क्रममा एक व्यक्ति बेपत्ता भएका छन्। गोरखा जिल्लाको सहिद लखन थापा गाउँपालिका–३ मनकामना निवासी ४३ वर्षीय राजेश श्रेष्ठ आइतबार साँझ तालमा पौडी खेल्ने क्रममा बेपत्ता भएको प्रहरीले जानकारी दिएको छ।

श्रेष्ठको खोजी कार्यका लागि सशस्त्र प्रहरी बल नम्बर २४ कालिका गणबाट सशस्त्र प्रहरी निरीक्षकको कमाण्डमा ७ सदस्यीय गोताखोर टोली परिचालन गरिएको  सशस्त्र प्रहरी बलका सहायक प्रवक्ता शैलेन्द्र थापाले जानकारी दिए।हाल ताल क्षेत्रमा खोजी कार्य जारी रहेको छ।