- जेष्ठ २४, २०८२
- No Comment
- 101
सुर्खेतमा लागुऔषधसहित एक युवक पक्राउ
सुर्खेत। सुर्खेत प्रहरीले लागुऔषध (ब्राउनसुगर) सहित एक युवकलाई पक्राउ गरेको छ।
सुर्खेत बराहताल गाँउपालिका -६ स्थायी घर भइ हाल वीरेन्द्नगर नगरपालिका- ९ लाटिकाेइली बस्ने २६ वर्षीय कुमार रोकायलाई प्रहरीले नियन्त्रणमा लिएको हो। शुक्रबार साँझ करिब ७:३० बजे पक्राउ परेका रोकायको साथबाट २ ग्राम २५० मिलिग्राम ब्राउनसुगर बरामद गरिएको जिल्ला प्रहरी सुर्खेतले जनाएको छ।
प्रहरीका अनुसार विशेष सूचनाको आधारमा चेकजाँच गरिएकाे थियो।
पक्राउ परेका रोकायलाई आवश्यक अनुसन्धानका लागि जिल्ला प्रहरी कार्यालय सुर्खेतमा राखिएको छ।
