चौकुनेमा ५ दिने निशुल्क योग विज्ञान शिविर संचालन हुने

सुर्खेत। चौकुने गाउँपालिका वडा न ८ को साँझाहलमा स्थानीय पाठ्यक्रममा आधारित रहेर मिति २०८२ साल जेष्ठ २५ गतेदेखि २९ गतेसम्म ५ दिने निशुल्क योग विज्ञान शिविर संचालन हुने भएको छ । चौकुने शिक्षा युवा तथा खेलकुद शाखाको आयोजना मा संचालन हुने पंतजली योग विज्ञान शिविरमा पतञ्जली योग समिति सुर्खेतको सहकार्य र नेपाल शिक्षक महासंघको समन्वय   रहेको छ ।शिविरका संयोजक तथा पतञ्जली योग समिति चौकुनेका ईन्चार्ज हरि प्रसाद अधिकारीले योगको माध्यमबाट स्वस्थ नागरिक, स्वस्थ घर, स्वस्थ समाज हुँदै चौकुने स्वस्थ बनाउने अभियान रहेको बताउनुभयो ।

समितिले निरन्तर योग संचालन गर्दै आए पनि जेष्ठ २५ देखी २९ गते सम्म विहान ५ बजे देखी ७ बजे सम्म शिवर सञ्चालन हुने हुँदा सबैलाई सहभागि हुन अधिकारीले आग्रह गर्नुभएको छ । शिविरमा केन्द्रिय योग गुरु देव कृपाबाट योग अभ्यास गराईने बताईएको छ । चौकुनेमा संचालन हुने शिविरमा १५० जनाको सहभागिता जनाउने अपेक्षा आयोजकको रहेको छ ।

निशुल्क रुपमा संचालन हुने शिविरका लागि चौकुने गाउँपालिकाले आर्थिक सहयोग गरेको छ ।