जाजरकोटमा सडकबाट लडी एक व्यक्तिको मृत्यु

जाजरकोट।  जाजरकोटको बारेकोट गाउँपालिका–८ बन्डलाका एक पुरुषको सडकबाट खस्दा ज्यान गएको छ। आइतबार राति ३५ वर्षीय लाल बहादुर सिंह घर फर्कने क्रममा लामीद्वाला भन्ने स्थानमा सडकबाट करिब ४००–५०० मिटर तल खसेर मृत अवस्थामा फेला परेका हुन्।

  शनिबार राति १० बजे कोलेनीबाट घरतर्फ जाँदै गरेका सिंह घर नफर्किएपछि आफन्तहरूले खोजतलास सुरु गरेका थिए। खोजतलासकै क्रममा मिति आइतबार  साँझ ७:३५ बजे लामीद्वाला भन्ने स्थानमा स्थानीयले मृत अवस्थामा फेला पारेको जानकारी प्रहरीलाई टेलिफोनमार्फत दिएकाे जाजरकाेट प्रहरीले जनाएकाे छ।

 जिल्ला प्रहरी कार्यालय जाजरकाेटका अनुसार घटनाको जानकारी प्राप्त भएपछि जाजरकोट  प्रहरी निरीक्षक मोहन सिंह पुजाराको कमाण्डमा तीन जनाको टोलीले शव उद्धार गरेकाे  थियो।

प्रहरीले घटना सम्बन्धि थप  अनुसन्धान सुरु गरिसकेको जनाएको छ। मृतकको शव पोस्टमार्टमका लागि जिल्ला अस्पताल पठाएकाे  प्रहरीले जनाएको छ।