• जेष्ठ १०, २०८२
  • No Comment
  • 45

आजको मौसम : देशभरका धेरै स्थानमा वर्षा र हिमपातको सम्भावना

काठमाडौं। आज देशभर पश्चिमी तथा स्थानीय वायुको प्रभावसहित बंगालको खाडी र अरब सागरबाट आएको जलवाष्पयुक्त हावाको आंशिक प्रभाव रहेको मौसम पूर्वानुमान महाशाखाले जनाएको छ।

महाशाखाका अनुसार कोशी, मधेश, बागमती लगायतका प्रदेशहरूका पहाडी भू-भागमा आंशिकदेखि साधारणतया बदली रहनेछ भने बाँकी भू-भागमा मौसम प्रायः सफा रहनेछ। केही स्थानहरूमा मेघगर्जन र चट्याङ्गसहित हल्का देखि मध्यम वर्षा भइरहेको छ।

 

कोशी, बागमती, गण्डकी, कर्णाली र सुदूरपश्चिम प्रदेशका हिमाली भू-भागहरूमा आंशिकदेखि साधारणतया बदली रही एक-दुई स्थानमा हल्का हिमपातको सम्भावना छ।

 

देशका विभिन्न पहाडी तथा तराई क्षेत्रहरूमा मेघगर्जन, चट्याङ्गसहित हल्का देखि मध्यम वर्षाको सम्भावना रहेको छ। विशेषगरी मधेश, बागमती, गण्डकी, लुम्बिनी, कर्णाली र सुदूरपश्चिम प्रदेशका थोरै स्थानहरूमा वर्षा हुन सक्नेछ।

 

बंगालको खाडीको उत्तर-पश्चिम र दक्षिण-पश्चिमका अधिकांश भू-भागहरूमा मनसुनको आगमन भइसकेको छ। हाल मनसुन माल्दिभ्स, श्रीलङ्का लगायत क्षेत्रहरूमा सक्रिय रहँदै जमिनतर्फ अगाडि बढ्दैछ।

 

महाशाखाले मेघगर्जन, चट्याङ्ग र वर्षाको सम्भावनालाई ध्यानमा राख्दै उच्च पहाडी तथा हिमाली क्षेत्रका बासिन्दाहरूलाई सावधानी अपनाउन सुझाव दिएको छ। यात्रु तथा कृषकहरूलाई मौसम अनुकूल योजना बनाउन अनुरोध गरिएको छ।

सम्बन्धित खबर

भिटामिन बी–१२ को कमीले बढाउँछ नकारात्मक विचार र मानसिक समस्या

भिटामिन बी–१२ को कमीले बढाउँछ नकारात्मक विचार र मानसिक…

शरीरलाई स्वस्थ राख्नका लागि विभिन्न पोषक तत्व आवश्यक हुन्छन्, जसमा भिटामिन बी–१२ महत्त्वपूर्ण मानिन्छ। यसको कमीले शारीरिक मात्र नभई मानसिक स्वास्थ्यमा…
सुर्खेतमा भन्सार छली सामान बरामद

सुर्खेतमा भन्सार छली सामान बरामद

सुर्खेत । जिल्ला प्रहरी कार्यालय सुर्खेतको टोलीले भन्सार छली ल्याइएको ठूलो परिमाणको मोबाइल पार्ट्ससहितका सामान बरामद गरेको छ । शनिबार दिउँसो…
कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री कँडेल

कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री…

सुर्खेत । कर्णाली प्रदेशका मुख्यमन्त्री यामलाल कँडेलले निर्माणाधीन कोहलपुर–सुर्खेत १३२ केभी प्रशारणलाइन तिहारभित्रै सम्पन्न गर्ने गरी काम गर्न निर्देशन दिएका छन्…

Leave a Reply

Your email address will not be published. Required fields are marked *