नेपाल सुपर लिग: काठमाण्डौ रेजर्सलाई हराउदैँ धनगढी एफसी शीर्ष स्थानमा 

काठमाडौँ। नेपाल सुपर लिग (एनएसएल) फुटबल प्रतियोगितामा धनगढी एफसी शानदार प्रदर्शनका साथ शीर्ष स्थानमा उक्लिएको छ।

त्रिपुरेश्वरस्थित दशरथ रङ्गशालामा हिजो सम्पन्न खेलमा धनगढीले काठमाण्डौ रेजर्सलाई ३–१ को स्पष्ट अन्तरले पराजित गर्दै लिगको पहिलो स्थानमा कब्जा जमाएको हो।

धनगढीको जितमा स्ट्राइकर अहमद हिजाजी नायक बने, जसले व्यक्तिगत रुपमा ह्याट्रिक गर्दै टिमलाई महत्वपूर्ण तीन अङ्क दिलाए। चार खेलमा आठ अङ्क जोडेको धनगढी एफसी अहिले अंक तालिकाको शीर्ष स्थानमा पुगेको छ।

यद्यपि ललितपुर सिटी एफसीको पनि आठ अङ्क नै भए पनि गोलअन्तरमा पछि पर्दै दोस्रो स्थानमा सिमित भएको छ।

यस खेलमा पराजित काठमाण्डौ रेजर्स भने पाँच खेलमा पाँच अङ्क जोड्दै चौथो स्थानमा रहेको छ।

नेपाल सुपर लिग अन्तर्गत आज दुई प्रतिस्पर्धात्मक खेलहरू हुँदैछन्। पहिलो खेलमा झापा एफसी र पोखरा थन्डर्स आमनेसामने हुने छन् भने दोस्रो खेलमा बुटवल लुम्बिनी एफसी र ललितपुर सिटी एफसी भिड्नेछन्।

धेरै दर्शक र समर्थकको ध्यान अहिले अंक तालिकाको शीर्ष स्थानमा प्रतिस्पर्धा गरिरहेका टिमहरूतर्फ केन्द्रित हुँदै गएको छ। लिगको आधा चरण नजिकिँदै गर्दा प्रत्येक खेल निर्णायक बन्दै गएका छन्।