- चैत्र १५, २०८१
- No Comment
- 72
काठमाडौंमा तोडफोड र आगजनीकाे अभियोगमा सरकारद्धारा दुर्गा प्रसाईं पक्राउको आदेश

काठमाडौंमा आज भएको राजावादी प्रदर्शनमा तोडफोड, आगजनी र लुटपाटको अभियोगमा सरकारद्वारा दुर्गा प्रसाईंलाई पक्राउ गर्न आदेश जारी गरिएको छ। प्रहरीले उनीविरुद्ध आवश्यक कानूनी प्रक्रिया अघि बढाइसकेको छ।
काठमाडौं प्रहरी परिसरका प्रमुख एसएसपी विश्व अधिकारीका अनुसार, आन्दोलनको अघिल्लो दिन प्रसाईंले केही व्यक्तिहरूसँग दमनको अवस्था सिर्जना गर्ने, एक–दुई जनाको ज्यान जाने अवस्था आएपछि नेताहरूका घर र पार्टी कार्यालयमा आक्रमण गर्ने योजना बनाएको भिडियो भेटिएको छ। यसै आधारमा उनलाई पक्राउ गर्न निर्देशन दिइएको हो।
यसैबीच, यौनिक अल्पसंख्यक अधिकारकर्मी सुनिलबाबु पन्तले पनि दुर्गा प्रसाईंविरुद्ध साइबर अपराधको उजुरी दर्ता गराएका छन्।
सरकारले पूर्वराजा ज्ञानेन्द्र शाह र दुर्गा प्रसाईंलाई आजको अराजक घटनाका मुख्य योजनाकारको रूपमा औंल्याउँदै उनीहरूलाई जिम्मेवार ठहर गरेको छ। प्रहरीले प्रसाईंको खोजी तीव्र गरेको प्रहरिले जनाएकाे छ।