कर्णाली नदीमा बेवारिसे शव फेला

कालीकोट – कालीकोटको नरहरीनाथ गाउँपालिका–१ लालीघाट नजिक कर्णाली नदीमा बेवारिसे शव फेला परेको छ। बुधबार बिहान ८:५५ बजे नदी किनारमा शव देखेपछि स्थानीयले प्रहरीलाई खबर गरेका थिए।

जिल्ला प्रहरी कार्यालय कालीकोटका सूचना अधिकारी प्रहरी निरीक्षक रामप्रसाद पाण्डेका अनुसार खबर प्राप्त हुनासाथ प्रहरी चौकी लालुखुलालुबाट प्रहरी हवल्दार डम्मर सिंह नेपालीको नेतृत्वमा दुई जनाको टोलीले घटनास्थलकाे सुरक्षा व्यवस्था मिलाएको छ।

 शवको पहिचान खुल्न सकेको छैन भने स्थानीय हराएका व्यक्तिहरूको खोजी भइरहेको प्रहरीले जनाएको छ।