दैलेखमा एसईई परीक्षाको प्रश्नपत्र बाहिरिएको आशंका, दुई जना नियन्त्रणमा

दैलेख, दैलेखको नारायणनगरपालिकामा रहेको त्रिभुवन माध्यमिक विद्यालयमा भइरहेको एसईई परीक्षाको प्रश्नपत्र बाहिरिएको आशंकामा प्रहरीले दुई जनालाई नियन्त्रणमा लिएको छ ।

आइतबार गणित विषयको परीक्षा सञ्चालन भइरहेका बेला प्रश्नपत्र बाहिरिएको र (चीट) को फोटोकपी भइरहेको सूचनाका आधारमा प्रहरीले एक फोटो कपी मेसिनसहित दुई जनालाई नियन्त्रणमा लिएको हो ।

जिल्ला प्रहरी कार्यालय दैलेखका प्रहरी नायब उपरीक्षक (डीएसपी) सुनिल दाहालका अनुसार घटनाबारे थप अनुसन्धान भइरहेको छ ।