आज रातिदेखि आइतबारसम्म मौसम प्रभावित हुने

काठमाडौं – आज रातिदेखि आइतबार साँझसम्म देशका विभिन्न ठाउँमा मौसम प्रभावित हुने जल तथा मौसम विज्ञान विभागले जनाएको छ।

हिमाली क्षेत्रका केही स्थानमा हल्का हिमपात हुने सम्भावना छ भने पहाडी क्षेत्रका थोरै ठाउँहरूमा मेघ गर्जन, चट्याङसहित हल्का वर्षा हुन सक्छ। तराई क्षेत्रमा भने कोशी र मधेस प्रदेशमा मात्र वर्षाको सम्भावना रहेको छ।

चैत ९ गते पनि हिमाली क्षेत्रका केही स्थानमा हिउँ पर्ने र पहाड तथा तराईका कतिपय ठाउँमा हल्का पानी पर्ने अनुमान गरिएको छ।

चैत १० गते कोशी, बागमती र गण्डकी प्रदेशका हिमाली क्षेत्रमा हल्का हिमपातको सम्भावना छ भने ती प्रदेशका पहाडी र तराई क्षेत्र तथा मधेस प्रदेशका केही स्थानमा मेघ गर्जनसहित पानी पर्न सक्ने विभागले जनाएको छ।