आज वीरेन्द्रनगर नगरपालिकामा शोक विदा 

आज वीरेन्द्रनगर नगरपालिकाले शोक विदा गरेको छ। नगरपालिकामा कार्यरत सब-इन्जिनियर दिनेशकुमार पुरीको निधनप्रति शोक व्यक्त गर्दै उक्त निर्णय गरिएको हो।

वीरेन्द्रनगर-११ स्थित आफ्नै निवासमा बुधबार पुरीको निधन भएको थियो। उनी वीरेन्द्रनगर नगरपालिका-२ काे वडा कार्यालयमा कार्यरत थिए।

पुरीको असामयिक निधनप्रति गहिरो दुःख व्यक्त गर्दै दिवंगत आत्माको चीरशान्तिको कामनासहित बिहीबार नगरपालिका तथा अन्तर्गतका सम्पूर्ण निकायहरुबाट प्रदान गरिने अत्यावश्यक सेवा बाहेक अन्य सबै सेवा प्रवाह बन्द रहने नगरपालिकाका निमित्त प्रमुख प्रशासकीय अधिकृत धिरेन्द्र शर्माले जानकारी दिए।

नगरपालिकाले पुरीप्रति श्रद्धाञ्जली व्यक्त गर्दै उनको परिवारजनप्रति समवेदना प्रकट गरेको छ।