यी खानाले स्वास्थ्यमा गम्भीर असर पार्न सक्छ, जस्ले गर्दा छिटाे मृत्यु हुन सक्छ

स्वास्थ्य विशेषज्ञहरूका अनुसार, दैनिक जीवनमा उपभोग गरिने केही खानाले गम्भीर रोगहरू निम्त्याउने खतरा रहन्छ। विश्व स्वास्थ्य संगठन (WHO) ले केही लोकप्रिय खाद्य पदार्थहरूमाथि चेतावनी जारी गर्दै तिनले शरीरमा नकारात्मक प्रभाव पार्न सक्ने बताएको छ।

विशेषगरी प्रशोधित मासु, भुटेका खानेकुरा, फास्ट फूड, बेकरी उत्पादन, पिज्जा, फ्रेन्च फ्राइज, तथा आलु चिप्सजस्ता खानाहरू मुटु रोग, मोटोपना, मधुमेह, क्यान्सर जस्ता गम्भीर समस्याहरू निम्त्याउन सक्छन्। प्रशोधित मासुहरू, जस्तै ससेज, ह्याम, तथा डिब्बाबंद मासुहरू, कार्सिनोजेन (क्यान्सर उत्पन्न गर्ने पदार्थ) भएको वैज्ञानिक अनुसन्धानहरूले देखाएका छन्।

जंक फूड र यसको असर
आजको आधुनिक जीवनशैलीसँगै फास्ट फूड र जंक फूडको प्रयोग बढ्दै गएको छ। तारेका खानेकुरा, विशेष गरी फ्रेन्च फ्राइज, आलु चिप्स, तथा पिज्जा, अत्यधिक चिल्लो तथा बोसोयुक्त हुने भएकाले स्वास्थ्यका लागि हानिकारक छन्। यस्ता खानाहरूले टाइप-२ मधुमेह, उच्च रक्तचाप, तथा मुटु सम्बन्धी रोगहरूको खतरा बढाउने गर्छन्।

सेतो रोटी र ब्रेकफास्ट सिरियल
धेरै मानिस बिहानको खाजामा सेतो रोटी तथा ब्रेकफास्ट सिरियल खान्छन्। तर, यी खाद्य पदार्थहरूमा अत्यधिक प्रशोधित अन्न तथा चिनी हुने भएकाले तिनीहरूले रगतमा चिनीको मात्रा छिटो बढाउने गर्छन्। यसले मधुमेह तथा अन्य मेटाबोलिक समस्याहरू निम्त्याउने जोखिम रहन्छ।

बटर चिकेन, आइसक्रिम, तथा कम कार्बोहाइड्रेटयुक्त खाना
भारतको प्रख्यात परिकार बटर चिकेनमा अत्यधिक बोसो तथा क्यालोरी हुने भएकाले यो मुटु तथा कोलेस्ट्रोल बढाउने प्रमुख कारण बन्न सक्छ। त्यस्तै, आइसक्रिम तथा जमेको दहीमा प्रशोधित चिनी तथा कृत्रिम रङ प्रयोग गरिने भएकाले दाँत किरा, मोटोपना, तथा फ्याटी लिभरजस्ता समस्याहरू निम्त्याउन सक्छन्।

स्वास्थ्य विज्ञहरूका अनुसार, स्वस्थ जीवनशैली अपनाउनका लागि प्रशोधित तथा तारेका खानेकुराबाट टाढा रहनु महत्वपूर्ण हुन्छ। ताजा फलफूल, सागसब्जी, तथा फाइबरयुक्त खानाको मात्रा बढाउनु नै स्वास्थ्यको लागि लाभदायक रहनेछ।