कागती केवल स्वादमा मात्र नभई स्वास्थ्यका लागि पनि अद्भुत फल हो। यसले शरीरको रोग प्रतिरोधात्मक क्षमता बलियो बनाउनुका साथै विभिन्न रोगहरूको उपचारमा समेत सहयोग पुर्याउँछ। तर के तपाईंलाई थाहा छ, कागतीको चियाले अझ धेरै चमत्कारी फाइदा दिन्छ?
विशेषगरी थाइल्याण्ड, भारत र श्रीलङ्कामा पाईने यो सानो सदाबहार बोट पश्चिमी देशहरूमा पनि लोकप्रिय हुँदै गएको छ। संयुक्त राज्य अमेरिकाका इटाली, क्यालिफोर्निया र फ्लोरिडाजस्ता न्यानो क्षेत्रहरूमा यसको खेती हुन्छ।
भिटामिन सी, क्याल्सियम र म्याग्नेसियमले भरिपूर्ण कागतीको चिया स्वास्थ्यका लागि बहुउपयोगी छ। यो मात्र रोग प्रतिरोधात्मक क्षमता बढाउन मात्र होइन, शरीरको विषाक्त पदार्थ हटाउन, वजन घटाउन र छालाको स्वास्थ्य सुधार्न पनि उपयोगी छ।
कागती चियाका मुख्य फाइदाहरू
रोग प्रतिरोधात्मक क्षमता वृद्धि: कागती चिया भिटामिन सीले भरिपूर्ण छ, जसले शरीरलाई संक्रमण र रोगहरूबाट बचाउँछ। दिनको १ कप कागती चिया पिउनु रोग प्रतिरोधात्मक क्षमतालाई सुदृढ बनाउन सहयोगी छ।
वजन घटाउन सहयोग: तौल घटाउन चाहने व्यक्तिहरूका लागि यो चिया निकै उपयोगी मानिन्छ। कागतीले शरीरको बोसो घटाउने काम गर्छ, विशेषगरी पेटको बोसो कम गर्न प्रभावकारी हुन्छ।
रुघाखोकी र संक्रमणबाट बचाव: एन्टी-ब्याक्टेरियल र एन्टी-भाइरल गुणले भरिपूर्ण कागती चिया चिसो, रुघाखोकी र संक्रमणबाट राहत दिन्छ। यसले शरीरलाई रोगबाट सुरक्षित राख्छ।
शरीरको विषाक्त पदार्थ हटाउने क्षमता: बिहान खाली पेटमा कागती चिया पिउँदा कलेजोमा जमेको विषाक्त पदार्थ सफा गर्न मद्दत गर्छ। यसले शरीरलाई सफा र स्वस्थ राख्छ।
छालाको स्वास्थ्य सुधार: छालाको मुँहासे, डन्डीफोर र चाउरीपन हटाउन कागती चिया उपयोगी छ। यसले छालालाई चमकदार र स्वस्थ बनाउँछ।
कागती चिया बनाउन एक कप तातो पानीमा ताजा कागतीको रस मिसाएर पिउन सकिन्छ। अझ स्वादिष्ट बनाउन मह वा अदुवा थप्न सकिन्छ।
कागती चिया केवल एउटा पेय मात्र नभई शरीरको समग्र स्वास्थ्य सुधार गर्ने प्राकृतिक औषधि हो। नियमित सेवनले तपाईंलाई शारीरिक, मानसिक र छालाको स्वास्थ्य सुधारमा सहयोग पुर्याउँछ।
सुर्खेत। सुर्खेत प्रहरीले लागुऔषध ब्राउन सुगरसहित ६ जनालाई पक्राउ गरेको छ। जिल्ला प्रहरी कार्यालय सुर्खेतबाट खटिएको विशेष टोलीले वीरेन्द्रनगर नगरपालिका वडा…
शरीरलाई स्वस्थ राख्नका लागि विभिन्न पोषक तत्व आवश्यक हुन्छन्, जसमा भिटामिन बी–१२ महत्त्वपूर्ण मानिन्छ। यसको कमीले शारीरिक मात्र नभई मानसिक स्वास्थ्यमा…