क्यारेबियन सागरमा ७.६ म्याग्निच्युडको शक्तिशाली भूकम्प

क्यारेबियन देशहरूमा आइतबार बिहान ७.६ म्याग्निच्युडको शक्तिशाली भूकम्पको धक्का महसुस भएको छ। भूकम्पको केन्द्र क्यारेबियन सागरमा स्थित केम्यान टापुबाट दक्षिणपश्चिममा थियो।

यस भूकम्पको धक्का हैटी, मेक्सिको, क्युबा, होन्डुरस, बेलिज लगायतका देशहरूमा पनि महसुस गरिएको थियो। भूकम्प आएपछि सुरुमा सुनामीको चेतावनी दिइएको थियो, तर पछि यो रद्ध गरिएको जानकारी प्राप्त भएको छ। अमेरिकाको राष्ट्रिय सुनामी चेतावनी केन्द्रले सुनामीको कुनै सम्भावना नभएको भनेपनि सतर्क रहन आग्रह गरेको छ।