सल्यान महोत्सव स्थलमा आगलागी, व्यापारीक स्टलहरू नष्ट

सल्यानको शारदा नगरपालिका–१ स्थित श्रीनगरमा आयोजित दोस्रो बृहत सल्यान महोत्सव स्थलमा शनिबार राति, करिब ११ बजे भीषण आगलागी भएको छ। राष्ट्रिय लोक तथा दोहोरीगीत प्रतिष्ठान जिल्ला शाखा सल्यान द्वारा आयोजित महोत्सवमा आगलागी हुँदा सम्पूर्ण व्यापारीक स्टलहरू जलेर नष्ट भएका छन्।

महोत्सव माघ १८ गतेदेखि जारी रहेको थियो । आगलागीको घटनाले त्यहाँका व्यापारीक गतिविधिहरूमा ठूलो क्षति पुर्याएको छ। घटनाबारे अनुसन्धान भइरहेको र रातको समयमा भएको आगलागीले  सम्पूर्ण क्षतिको विस्तृत विवरण आउन बाँकी रहेको जिल्ला प्रहरी कार्यालय सल्यानले जनाएको छ।

आगलागीको घटनाको फोटो र भिडियो सामाजिक सञ्जालमा भाइरल भएपछि सबैतिरबाट चासो र चिन्ता प्रकट गरिएको छ। स्थानीय प्रशासन र नेपाल प्रहरी, शस्त्र प्रहरी लगायतका सुरक्षा बलहरूले आगो नियन्त्रणमा लिने प्रयास गरे पनि आगलागीको प्रकोप ठूलो थियो। महोत्सव स्थलमा आगलागीको कारणले व्यापारीहरूको ठूलो धनमालको क्षति भएको अनुमान गरिएको छ । अहिले पनि घटनाको सबै पक्षको अनुसन्धान जारी भएकाे प्रहरीले जनाएकाे छ।