जुम्लामा अब अनलाइनमार्फत नागरिकता सिफारिस प्रक्रिया सुरु हुने

जुम्लामा अब नागरिकता सिफारिसको प्रक्रिया अनलाइनमार्फत हुने भएको छ। आगामी माघ महिनादेखि जिल्लाका आठवटै स्थानीय तहमा यो सेवा सुरु हुने तयारी गरिएको हो।

प्रमुख जिल्ला अधिकारी रामबहादुर शाहीका अनुसार, यसअघि स्थानीय तहका प्रमुख र जिल्ला समन्वय समितिका प्रमुखसँग अनलाइन सिफारिसका बारेमा छलफल भइसकेको छ। अब गृह मन्त्रालयको केन्द्रिकृत नागरिकता सूचना व्यवस्थापन प्रणालीमार्फत नागरिकता सिफारिसको प्रक्रिया सञ्चालन गरिनेछ।

“अनलाइन प्रणालीमार्फत नागरिकता सिफारिस गर्न सकिने छ, र यसका लागि कर्मचारीलाई आवश्यक तालिम दिइने छ,” प्रजिअ शाहीले भने।