३ बर्ष र ६ महिनाकी दुई छोरीको घाँटी थिचेर हत्या गरेको अभियोग स्विकार गरिन पुर्णिमाले

सल्यानको कुपिण्डे–११, सिस्नेपातालकी १७ वर्षीय पुर्णिमा रानाले ३ बर्षीया र ६ महिने छोरीको हत्या गरेको स्वीकार गरेकी छन ।

जिल्ला प्रहरी कार्यालय सल्यानका अनुसार बुधबार बिहान पूर्णिमाका ३ वर्ष र ६ महिनाका दुई छोरीहरु घरभित्रै मृत भेटिएका थिए ।

घटनाको सुचना लगत्तै घटनास्थल पुगेको प्रहरी टोलीले आमा पूर्णिमालाई घरबाटै नियन्त्रणमा लिएको थियो ।

प्रहरीको सोधपुछ पछि पूर्णिमा रानाले हत्याको अभियोग स्वीकार्दै प्रारम्भिक बयान प्रहरी समक्ष दिएको जिल्ला प्रहरी कार्यालय सल्यानका प्रहरीले नायव उपरिक्षक केशर कुमार न्यौपानेले लाईका खबरसंग बताएका छन ।
न्यौपानेका अनुसार घरमा अन्य सदस्य नभएकोले हत्या गर्नुको खास कारण नखुलेका बताए ।
साथै, पूर्णिमाको प्रारम्भिक बयानका आधारमा बिहीबार जाहेरी दर्ता गरी थप अनुसन्धान हुनेछ ।

प्रहरीका अनुसार उनी आफैंले आत्महत्याको प्रयास समेत गरेकी थिइन ।

१४ बर्षको उमेरमा नै बिहे गरेकी उनले १७ बर्षको पुग्दा दुई सन्तानलाई जन्म दिएर हत्या समेत गरिसकेको अभियोग छ । उनका पति टेकमान राना २५ वर्षका छन् ।

घर खर्च चलाउन उनका टेकमान नुवाकोटमा बसेर काम गर्दै आएका थिए ।