चौकुने गाउँपालिका गुटुदेखि जँगलाघाट जोड्ने सडकको पालिका अध्यक्षद्वारा उद्वघाटन

सुर्खेत। चौकुने गाउँपालिका गुटुदेखि जँगलाघाट जोड्ने सडकको पालिका अध्यक्ष खडक बिवस वासपाने ज्यु द्वारा उद्वघाटन गरिएको छ ।चौकुने गाउँपालिका सरकारले बिगत बर्ष देखि सो सडक खण्ड निर्माण सम्पन्न गर्नको लागि प्रयास गरिएको थियो । पालिकाको चालू आर्थिक बर्षमा बिनियोजित बजेटले ट्रयाक खोल्न सफल भएको हो ।

उद्घाटन कार्यक्रमलाई सम्बोधन गर्दै गाउँपालिका अध्यक्ष खडक बिवस् वासपानेले समृद्धि, विकास र सुशासनका लागि ठूलो ऐतिहासिक अवसर भएको बताउनु भएको छ । जनताले निर्वाचन मार्फत विश्वास गरेका छन्, सरकार विकास र सुशासनमा केन्द्रीत हुने संकल्प लिएको बताउनु भयो । लामो समयको अथाह प्रयास पछि सडक खण्डको ट्रयाक खुल्ला भए पछि स्थानीयवासीले सरकारलाई धन्यवाद व्यक्त गरेका थिए ।

उक्त कार्यक्रममा चाैकुने गाउँपालिका उपाध्यक्ष नर बहादुर बान्तोला, जिल्ला समन्वय समिति सदस्य तुल बहादुर नेपाली , चाैकुने वडा नं ५,का वडा अध्यक्ष तुलाराम हिस्की मगर ,वडा न ६का वडा अध्यक्ष गोबिन्द थापा ,वडा न ७का वडा अध्यक्ष धनिराम धमाला र वडा न ८का अध्यक्ष कमल जि सी र विभिन्न राजनीतिक दलका जनप्रतिनिधि लगायत स्थानीयहरुकाे उपस्थिति रहेकाे थियो ।