सुनसरीमा गोली प्रहार गरी गरियो गाँजा बरामद

सुनसरीको धरानमा गाँजा कारोबारीलाई पक्राउ गर्ने क्रममा गएराति प्रहरीले गोली चलाएको छ । सो क्रममा ६४१ केजी गाँजा बरामद गरिएको प्रहरीले जनाएको छ ।

धनकुटाबाट धरान तर्फ आउँदै गरेको स्कोर्पियो सहित दुई वटा अवैध गाँजा बोकेको गाडी   प्रहरीले नियन्त्रणमा लिएको हो । जिल्ला प्रहरी कार्यालय सुनसरीका अनुसार प्राइभेट गाडीमा नक्कली सरकारी नम्बर प्लेट राखेर तस्करी गरेको भेटिएको छ ।

गाँजा ओसारपसारमा संलग्न एक जनालाई प्रहरीले पक्राउ गरेको छ । अर्का एक जना फरार रहेको प्रहरीले जनाएको छ । प्रहरीले स्थितिलाई नियन्त्रणमा लिन गोली चलाउनु परेपनि कुनै मानवीय क्षति भने नभएको जनाएको छ ।

गाडि नियन्त्रणमा लिने क्रममा प्रहरीले चार राउण्ड गाेली चलाएकाे हाे । साथै गाँजा कारोबारीमाथि थप अनुसन्धान भइरहेको  प्रहरीकाे भनाइ छ ।