चौकुनेमा शारीरिक अपाङ्ग भएकाहरुका निशुल्क स्वास्थ्य शिबिर संचालन हुने

सुर्खेत। चौकुने गाउपालिकाको दुई स्थानमा आँउदो मङ्सिर २३ र २४ गते शारीरिक अपाङ्गता परिक्षण घुम्ती शिविर संचालन हुने भएको छ । अपांग बाल अस्पताल तथा पुर्नरस्थापना कार्यक्रम बनेपाको आयोजनामा र राष्टिय अपांग महासंघ नेपाल कर्णाली प्रदेस सदस्य संस्था सुर्खेतको र चौकुने गाउपलिकाको समन्यमा विशेषज्ञ चिकित्सकहरु द्वारा चौकुनेको लगाम सामुदायिक स्वास्थ्य इकाईमा मङ्सिर २३ गते आइतबार र २४ गते सोमबार गुटु स्वास्थ्य चौकीमा शिविर सञ्चालन गरिने गुटु स्वास्थ्य चौकीका प्रमुख गगनसिंह पाण्डेले जानकारी दिनुभएको छ ।

शिविरमा १८ वर्ष भन्दामुनीका अपाङ्गता भएका बालबालिकाले सेवा लिन सक्ने छन् । शिविरमा जन्मजात वा पछि खुट्टाको पैतला भित्र÷बाहिर फर्केको, खुट्टालुलो र कमजोर भएको हाड जोर्नी तथा नसा रोग खुट्टा लुलो र कम्जोर भएको हड्डी नजोडीएको ढाड बाङ्गो र कुप्रो भएको औलाहरु एक आपसमा टासिएको हड्डीमा टि.बि लागेको शारीरका बिभिन्न जोर्नीहरू बाङ्गो भएको लगायतका रोगहरुको परिक्षण गरिने छ ।

शिविरमा कृत्रिम अङ्ग र सहायक उपकरणहरुको आवश्यकता भएकाहरुलाइ निशुल्क उपकरण बितरण गरिने बताइएको छ ।