ट्रकको ठक्करबाट साइकल यात्रुको मृत्यु

नवलपरासीमा ट्रकको ठक्करबाट साइकल यात्रुको मृत्यु भएको छ । नवलपरासीको सुस्ता गाँउपालिका – १ बरुवाको भित्री सडक खण्डमा बर्दघाटबाट त्रिवेणी तर्फ जाँदै गरेको लु २ ख ८९३ नम्बरको ट्रकले सोही दिशा तर्फ जाँदै गरेको साइकल यात्री लाई ठक्कर दिँदा उनको मृत्यु भएको हाे ।

जिल्ला प्रहरीले कार्यालय नवलपरासीका अनुसार मृत्यु हुनेमा सुस्ता- १ बरुवा बस्ने  ६५  वर्षिय रामजी नेपाली रहेका छन् । गम्भिर घाइते भएका उनलाई उपचारका लागि सहिद स्मृति सामुदायिक अस्पताल चौपत्ता लगिएको थियाे । त्यसपछि चिकित्सकले मृत घोषणा गरेको प्रहरीले जनाएको छ ।

ट्रक चालकलाई प्रहरीले नियन्त्रणमा लिएको जिल्ला प्रहरी कार्यालय नवलपरासीका डिएसपी रमेश वोहोराले बताए । घटनाको अनुसन्धान भइरहेको प्रहरीले जनाएको छ ।